Bakit Magsusulat Why WriteBakit magsusulat? Halimbawa'y hindi kailangan ng kultura mo ang pagsusulat pero puwede mo pa rin itong gawin o hindi gawin depende sa gusto mo. Kung ganito ang sitwasyon ano ang halaga ng pagsusulat? Ano ang mapapala ng manunulat kung hindi naman gaanong pinahahalagahan ng kanyang kultura ang pagsusulat?Ano bang meron sa pagsusulatSa isang banda, lumalalim ang pagkaalam natin sa katotohanan o sa mga pangyayari sa ating paligid sa pamamagitan ng pagsusulat. Kapag nagsusulat tayo ay nagkakaroon tayo ng napakalapit na kaugnayan sa ating wika, at dahil dito ay napipilitan tayong mamili ng mga eksaktong salita na maghahayag ng mga katangian ng ating mundo at kapaligiran. Pansinin ang mga salitang ginamit sa ibaba:Kapag nagsusulat ay napipilitan tayong mamili ng eksaktong mga salita upang tamang-tama nating maipahayag ang ating damdamin o kaisipan. At sa pagpili natin ay dinadagdagan natin ang laman ng baul ng ating wika at kultura. Pagsusulat at Pag-iisipSa pagsisikap nating makasulat gamit ang pinakatamang salita, nakakapag-isip din tayo nang tama tungkol sa bagay na ating sinusulat. Hindi ito katulad ng mga maiingay na pakikipagdebate, dahil kung maisusulat lang natin ang ating mga argumento mapapag-isipan din natin ito nang husto, at ang lahat ng anggulo ng lohika nito ay mabibigyan natin ng pansin. Kapag nagsusulat tayo, kinakausap din natin ang ating sarili habang naghahanap tayo ng mga pangungusap at salita na angkop na maglalarawan ng mga gusto nating sabihin.Pagsusulat at Pagkamulat Ukol sa SariliHindi lamang tayo natutulungan ng pagsusulat na makadiskubre ng mga bagong kaisipan o ideya, kundi nagkakaroon din tayo ng pagkakataon na mamulat tungkol sa ating sarili. Kapag pinanindigan natin ang isang ideya, isang pananaw, paniniwala, argumento, naiintidihan natin pati ang ating mga sarili. Habang nagsusulat tayo ay uunlad ang ating intelektwal na kapasidad at bunga ng ating paninindigan sa isang isyu o pananaw - na lumilinaw sa atin kapag nag-iisip tayo at nagsusulat - ay lumalago din tayo bilang tao. Napupuwersa tayong magtalaga ng sarili sa isang paninidigan, paniniwala o pinahahalagahan kapag sinusulat natin ang mga ito.Sunod dito: Ang Layunin ng Manunulat (Halaw at malayang salin mula sa The Heath Handbook (c)1990 by DC Heath and Company) ideya - idea / thought Only in the Philippines! (Share your Pinoy encounters)Mabuhay! Pinoy, Pilipinas. Balikbayan. OFW. Fil-AM. Foreigner or a carefree travel bug -- have you been to the Philippine Islands lately? (including all 7101 of them low tide) We'd like to hear about your anecdotes: you can call it "My Pinoy Experience." Funny, irreverent, bland, cute, different, interesting, religious, smorgasboard - we welcome your stories here. Or if you have an interesting photograph, you may want to share the story behind it. |
Read a Tagalog Novel
"Gustong-gusto niya kapag nanggagaling sa Nasuli ang kanyang Auntie at Uncle. Marami silang dalang prutas at gulay. Kung tag-kaimito, tag-kamunsil, tag-bayabas, tag-sinigwelas, tag-makopa. Doon din nanggagaling ang mga bulaklak na birds of paradise na tumutubo sa likuran ng kanilang bahay at ang come down my love na umaabot sa banggerahan mula sa pagkakakapit nito sa santol sa gilid ng bintana. Naalala rin niya ang mga dahon ng lagundi na pinapakuluan ng kanyang Auntie. Ito ang pinapainom sa kanila sa umaga bago sila pumasok sa klase." from the novel Lumbay ng Dila by Genevieve Asenjo
