Tagalog Daily: One Day at a Time

Tagalog Daily: One Day at a Time features one Filipino poem a day. 

BANGO

Nalalanghap ko ang malayang putik

Nang samyuhin ko ang mga rosas

Labindalawang-bango.

 

Ikalabing-apat ng Pebrero

Hinandugan ako ng irog

Una ay ng palalong pangako.

 

Ikalawang araw ay di maipaliwanag

Walang puknat na pagngiti

Animo'y sampaga sa kanal.

 

Panaginip ay hinog na sampalok, nahulog

Kayumangging balat, nabasag, ang tamis

Ang sarap ng pangatlong araw na samyo.

 

Nalulong kaagad sa mga rosas

Nilango ng tubig, may halimuyak

Ng gamot sa lagnat. Ika-apat

 

Na araw ay biniyak ng dama-de-noche

Pasintabi  sa rosas, nakatutusing

Ang halimuyak ng ikalimang tangkay

 

Salamisim tuloy ay anim na langhap

milon, sinturis, papaya 

tsiko, kaimito, mangga.

 

Ikapito ang hangin sa saradong silid

Nakakulong na pawis ng dahong nadudurog,

nanlulumong tangkay. Tumalon sa plorera

 

Ang ikawalong samyo, nakipaglaro sa usok

Amoy-araw ang talulot. At ang ikasiyam

Alimuon ng bagong umaga.

 

Saplot na hinubad nang dapit-hapon

Ang Ikasampu, ala-ala ng pamumukadkad

Sa halik ng paru-paro.

 

Ang ikalabing-isa ay nagmaliw

Hinigop ng burak ang kamandag

Hinalay ang tinik sa nakapiit na tubig.

 

Sa putik, ipararaya ang ikalabindalawa.

Palalayain ang kathang-isip ng matabang lupa

Ng mga bubuyog,  ng araw, ng ulan.

---

This Form cannot be submitted until the missing fields (labelled below in red) have been filled in

Workshop sa Pagsulat ng Tula

Please note that all fields followed by an asterisk must be filled in.

Sa palagay ko ang tula ay tungkol sa*

Damdaming naramdaman ko sa tula*

Boses na naririnig ko sa tula

Karanasang pinagdadaanan sa tula

Naaala/naiisip ko habang binabasa ito*

Nakikini-kinita kong larawan/imahe*

Tungkol sa anyo ng tula

Tungkol sa tula, sa aking palagay

First Name*

E-Mail Address*

City

Please enter the word that you see below.

Interested in getting comments about your poetry? Visit some of our featured poetry  at english-to-tagalog.

samyo; langhap; irog ; palalo  walang puknat; nilango; halimuyak; pasintabi; amoy araw; alimuom; nagmaliw; burak; hinalay; ipararaya

This Form cannot be submitted until the missing fields (labelled below in red) have been filled in

Isalin

sa wikang

---Select---Filipino Cebuano Hiligaynon Ilocano

Please enter the word that you see below.

How to Write What You Need to Write

How to Write a Reaction Paper

How to Write a Book Report/Review

How to Formulate a Thesis Statement

How to Write a Process Article